Mark Chapter

BIJAB MARK

 Jisu, Kaitor ni seleng

SWINAISA

Johon, bo Mark hwnwi ringjago, bono a bijab no swinai. Samung 12: 12, 25. Bo Mary ni bwsala tai Barnabas ni bubainasa.Kolosai 4:10. Bini nok wng kha Jerusalemo. Paul bai Barnabas Antioch o thang phuru Mark bohrok ni logi tongo.Bini bagwi no bohrok ni bisingo aro kisa kok bang lai kha. Samung 12:25; 13:5. Ulo bo bohrok no yakarwi kabu kha, kosto no soi manjak lia. Samung 13:13. Paithago, bo Paul ni belai nang mani borok wng kha. Kolosai 4:10-11; 2 Timothi 4:11. Mark ni bumani nogo no sagri rok kuthumlai o Jerusalemo.Pitor ni yak twi bo mwthangjago hamjagwi bono “ani sajla” hwno. 1 Pitor 5:13. Abo ni bagwi no Mark bijab bo Pitor ni phwrwng marok no nugo.

BINI NAIMUNG

Chwng Mark 10:45 no khuktang khe, sai man nai tamo ni bagwi o kothoma kaham swijak kha. “Borok ni sajla bui bai suamungjakna phaiya; buino suamungna se phaio hake aswk borok rok no phiokna bagwi butharjakna se phaio.” Mark, Mathai hai khe sanani naiya, Jisu no twi bohrok kok samani tai diari rok salang marok no. Bini naharmung hwn khe Jisu no twi swrai swrai khe sana ni . Jisu samung tanglang mano sanani, kok bai simi wngya.Bo phunuk kha Jisu Kaitor ni Sajla, bo bahai khe swngcharo phai kha a kokno simi samani wng ya, tamo khe Jisu phaiwi bo tamo samung khai phai kha, swngcharo kisa jora ni bisingo. Bo phaiwi swngchar bwswk khe se slaijagwi thang kha.

Bui joto no gosi nalaio, Bo kothoma kaham no swima le Rum ni borok rok ni bagwi. Rum ni borok belai khe no juda Israel borok rok ni slai. Bo bini uansukma kaham no twi se swimani. Bini tongthar wng kha yakbai khukbai khlaijak nai. Bo laithang mani tomung chamung no mungsa twi lia. Bongso bwtang tai diari rok ni kok no bo sak nangjak lia. Israel rok ni aswk tomung kwrak  no bo samung phwnang lia. Bo sai man khamun, “Ang kaham khe elembag no sia tai norok kha khlaio tongma rok no ang munga nangjak ya; tamo khe ang khatung nai kothama swrai swrai khe sajak khe, Jisu ni langma tai swngcharo tonglang mani.Bo tamo khlai lang kha sadi, bono bo hai khe no ano phunuk di.”

Mark bai Mathai ni tongmung rok mungsa phano solia.Mark kothoma kaham jotoni slai barah.

Mathai ni berem wng kha 28, rwngthokma tai Jisu Khristo no bo David ni sajla hwn o, habugra tai borom kotor rwjak phanraida bai. Mathai 28:18.

Mark ni berem khe 16, rwngthokma thaibwrwi se oro. Mark bono hwn no koinene borok Jehovah ni seleng. Chwng nuk kha Suari rok bono suamung mani.

KOTHOMA KAHAM NI KAREKTOR

Kwrwng rok ni tomung no sai man makhe bo samung khlai marok no naiwi.Luku rok khatung marok le bebak bisingo tongo. Mark ni kokbothoma  wng kha Jisu wng kha seleng kotor, Jisu khlai lang mano chwng nugo. Bwrwi sikili ni ogo achai mano  twi mungsa salangjak ma kwrwi. Kothoma kaham o Jisu achai mano twiwi bwtang tangsa phano swijak kwrwi. Omo tamo hwn mani mari hwn khe, selengsa ni kok no khoroksa borok phano sai man nani muchungjak ya.

Pandit rok bono naina phai mani kok bo sajak kwrwi. Selengsa borom rwjak nai borok wngya.

Jisu chwrai phuru noktharo okra rok bai kok salai mabo swijak kwrwi. Jisu tormani jora ni kok bo kwrwi, borok rok naio bo tamo khlai man.Bohrok Jisu no twiwi aswk khatungjak baiya,tamo khe Jisu borok bo joto no khlai mano, tini bo khlaio, agi khlaima hai khe no.

Hathai saka kaui phwrwng mani kok aro swijak kwrwi. Mathai khe belai kha rwi swi salang kha, omo wng kha Kaitorni hani kerong, aro ni tongma chamani karekter. Mark Jisu no kubui “samung tang nai” borok hwnwi salang kha. Seleng ni hanok kwrwi tangchanai ni mungsa kerong kwrwi.Diarirok salang mani kok mungsa bo salangjak kwrwi.Mark uaisa diari rok ni kok no khurchakha Mark: 1:2. Mathaio hwn khe, bebak swilaio no kok khurchajak man nai.

Mark bijabo Chuknohani mungborom samungo phwnangjak lia, Jisu no habugra hwnwi samani kwrwi.kok hamya sil lai phuru simi se bono habugra hwn o. Mathai khe sao, Bohrok bono Emmanuel hwnwi ring lai nai, - “Kaitor chwng bai tongo.”Mark  omo hai hwn mani kwrwi.Mark bono kok                                                                                                            hamya sil lai phuru simi se bono habugra hwn o. Mathai khe sao, Bohrok bono Emmanuel hwnwi ring lai nai, - “Kaitor bai chwng bai tongo.”Mark  omo hai hwn mani kwrwi.Mark bono                                                                                                         kok hamya sil lai phuru simi se bono habugra hwn. Mathai khe sao, Bohrok bono Emmanuel hwnwi ring lai nai, - “Kaitor bai chwng bai tongo.”Mark o omo hai hwn mani kwrwi.Mark bono                                                                                                         kok hamya sil lai phuru simi se bono habugra hwn. Mathai khe sao, Bohrok bono Emmanuel hwnwi ring lai nai, - “Kaitor bai chwng bai tongo.”Mark o omo hai hwn mani kwrwi.Mark bono                                                                                                         kok hamya sil lai phuru simi se bono habugra hwn. Mathai khe sao, Bohrok bono Emmanuel hwnwi ring lai nai, - “Kaitor bai chwng bai tongo.”Mark o omo hai hwn mani kwrwi.Mark bono                                                                                                         kok hamya sil lai phuru simi se bono habugra hwn. Mathai khe sao, Bohrok bono Emmanuel hwnwi ring lai nai, -   “Kaitor chwng bai tongo.”Mark o omo hai hwn mani kwrwi.Mark bono                                                        - tai kubun Chonghor rok bono “Bugra “hwnwi bo ringo.

Mathai khe bono hwno,”Bugra chwng no mwthang di; chwng thwinai kha.”  Mark khe sao,”nwng naikini khlai ya hwn khe chwng komor nai?”   

Bini samung pai kha hwnwi kwrwngsa o phano sajak kwrwi, Bo thwi mani ulo. Johon 19:30 bo sakha, “Paisuk kha”. O kok Mark o chwng nukya. Selengsa hwnwi manya  bini samung paikha hwnwi.  

Mark kothoma kahamo Jisu no sinirwmani mungsa bo kwrwi. Tai kubun kothoma kaham  bono twi kolok kok saui sini rwkha, tamo khe Mark kothoma kahamo omo hai mungsa sajak kwrwi. Bwtang chengjak kha,”Jisu Khristo ni kothoma kaham” hwnwi. Mark tai bo hwn kha “Kaitor ni Sajla “ Bo chuknohani borok hwnwi katirwnani.     

English  Baibelo Mathai,Mark Luk tai Johon  bijabo,“ Kothoma kaham” kokthai uaichinwi   khurchajak kha. Abo rok ni bisingo uaichar khurchajak Mark bijabo.Au, Selengsa kothoma kaham ma sakhlai nai !

  Greek kothai bai  tai mungsa hwn khe “Eutheos” omo hwn makhe “nasingya” “bwskango”tai “daktino” Omo hai nuk khe tola dari rigwi ton di.O kothai bebak man mani uaichibwrwi mano Mark kothoma kaham o. Omo rok no wng kha selengsa ni kokthai rok.

  O kothairok no nwng naituk khe man nai berem chidok ni bwtang chinwio man nai.Nwng oro kokthai chikon sa man nai “hai.” Bo sabai kha, kaham khe khlai kha,mwthaya kheno khlai kha,bathakma kwrwi khe. Bo suamung mang tongo.Chwng se seler phano chini Bugra seler ya.

 Mungsa chwng no bwkha phwnang male,chwng Mark kothoma no  nai khe,bini bwkha torma no nugo. Omo wng kha joto kothoma kaham bijab rok ni slai barasa.Aro manma rokno tai kubun kothoma kahamrog o kisa swk no mano.Omo barasa khe no mwthagwi paikha.

Mathaio chibwrwi rwngthokma nugo.Mark bijabo khe mungbwrwi rwngthokma se,  Maichwlwi sarmani rwngthokma, siring siring khe maichwlwi toro mani rwngthkma, Horua bwchwlwi ni rwngthokma,tai Bugra hamya ni rwngthokma. Nwng oro tai mungsa nuk glak,tamo khe kosol rok no se.Aro “nukhung” ni kok bo  man glak, eba “ habugra ni sajla kaijak mani  panda” ni eba “suar” ni kok.

Mark bijab bo uanamasngcha samung ni kok le kwbangma no nuknai.Mathai bijabo rwngthoma ni kok no nuktwi. Selengsa Samung tango, habugra samung dagio. Mark Jisu no uanamasing samung khlai ma rok no sakugo, Jisu rwngthokma samarok ni slai. Uaichinwi Jisu uanamasingsa samung khlai lang mano  Mark bijabo swbai sajak kha.

SELENGSA JUGALI MANI

 Mark bijabo Jisu ni omor bisitham ni kok no mungsa bo saia.Tamo khe borok wngwi seleng wngnani jugali kha, samung khlaina ni.Bo khairokma singcha khe salbrum kosto khe torkha logkha.Bo Joseph hai khe no lengma lengsa khe samung matang kha, langma ni jwngjalo.Bo kwbangma choba  ma khlai kha bwkha bising bising  thang tong nani . Bini dopha ni borok rok nangjagwi tong ma rok no nugwi , bwkhao phan thonwi tong kha.Sak sak kha khamwi tong kha.

  Langma o nangmarok no man na bagwi sak jugalina nango, Jisu no khoroksa naiwi swrwngjak nai. Nasigwi phunukjak nai mungsa nangkugo  langmao. Naidi Moses no bisi bwrwichi jora bo haching panthoro bo sak no jugalisugwi tong mani samung kotor tang mani swkang; jora kolokma nasingwi tong mani diary Elijah habugra Ahab bai nukjagwina ni; Sikla Amos bini bwthai bari tongwi nsng sok mani. Johon Baptist bisi chitham training rwi tong mani. Bo hai khe no Jisu bisi chitham Nazareth kami tongwi sak no jugalikha bini samung cheng nani swkang.Chwng bo samung cheng na  swkang , jugalina nangkugo. Bwkha ta kobon di, Khristo jora o no nini langmano jugalisogwi tongo.

JUGALIJAGWI TONG KHA JOHON BAI

  Johon Baptist tiar wngjak, Kothoma kaham cheng mani swkang, Masia phainani.Johon phai male Masia ni kok no twiwi diari rok ni kok nang phai mase.”Omo Jisaia diari hai hwnwi sai kwlang mani hai khe chengjak kha.” Mark 1:2 bwtang bwrwi khe kiphilwi salang phi kha, Jisaia 40:3 Jisaia sakha bo le khorang se “ Borok khoroksa  khorang chirigwi hai hwnwi sakhlai tongo .Haching hapharo  Bugra ni bagwi lahar snam di chini Kaitor ni bagwi haching hapharo lama no kepeleng khlai di.” Omo no wng kha a “khorang” Jisu Khristo ni kok no sakhlai nai. 

   Chwng bo hai borok khoroksa no nukh kha,bo nukjak phai kha bahai hai khe, mangingang buikhumu ni ri kanjak bwchang o mui bukur bai khe khajak. Bini chamung bo hai no, twma bo hai khe nugo.Kuk bai bolong ni pia modhu se bini chamung.

Oro chini mungsa swrwngjak nai tongo, Kaitor chongya chwng chajakma borok no. Kaitor butua borok  no se chongo sinairok ni bising ni,” sinairok no phwrwng nani, tai kebel borok …… phan gwnang rok no lachirwnani.” (1 Korinth 1:27-28) Kaitor ni samung khlaina bagwi chwng no chong di hwnwi Jisu bai barja rwjak khe , chwng sabo no chong kha mun , nukhung kotor ni borok, lekha kwrwng tai borok rok bai chajak kuk nai borok no chong khamun.Kaitor le omo hai no chong ya,koinene khe achainaisa , nukhung kahamo phwrwngjak, haching panthor ni borok Johon Baptist bo Kaitor bai khe chongjak, Kaitor bai gosijak. (Mathai11:11)

 Johon ni kok rok bo kirimasingcha tamojani hai,borok kotor hai khe thang kha Roman rajani borok kotor hai khe, bini samung tang nani, lama tan nani,lahar kotor snam nani “Bugra ni bagwi lahar snam di, bini lama no kepleng snam di.Kubui Baibel hwn khe kubui soichajak.

BAPTISM BAI JUGALI MANI

   Salsa Johon bai Jisu malai lai kha.Johon a borok no nuk kheno sini kha, bo bwkha kiphilwi baptism na nai borok wng ya, bo kok pirwi tong mani hai khe. Bini mwkhang wng kha kwthar tai phan gwnang chwngsacha.Johon ni bwkha o kok sakha bo bwswk se chukjakya borok.Bo wng kha Kaitor ni sajla. Johon bono Baptism rwna nai lia. Tai hai hwnwi sakha, “Ang se nwng bai Baptism wngthai bla ahai twtwi  bahai khe nwng  ani thani phai ?

  Jisu Baptism nakha  Johon ni yago,Kaitor bai chongjak borok.”Tabuk omo wngra sithung  tamo ni hwn khe  Kaitor naima twi no chwng omo hai  kheno ma khlai nai.” (Mathai 3:15) Bo Johon no  gosi nakha, bini kok tai samung rok no tai Khristo ni swkang phai nai titun tun nai.Johon bai Baptism namani wng kha  Kaitor ni kok khwna mani tai bini kok no khwnai tong na gosi namani.

  Khristo wng kha swrwngjak nai tai soichajak phunuk mani. Bo borok rok ni bagwi samung tang mani tangwi painai, Bo buini bagwi no khlai nai.(1 Korinthian10:13).

  PHOLA KWTHAR NO YACHAGWI JUGALI MANI

  “ Jisu twini kasamani logi no bo nokha phiojak mani nuk kha, phia Phola no pharuk hai khe bini sago bir khlai phai mani nuk kha”Mark 1:10. Phola Kwthar phai mani pharuk hai khe simi wngya,pharuk ni bwsak mang tubui no phai kha. (Luk 3:22). Omo wng kha kaisa mari.Bini thani phola kwthar phai mani omo wng kha kubui.Jisu ni langmao je wng mani omo wngkha mungsa ya mungsa no phunuk mani.Kaitor no bebak suamung mani bisingo Phola Kwthar abo no phan rwmani tai kwrwng khe tisa mani.Bo wng kha  Kaitor  bai chongjak.

  Tamo ni hwn ba Jisu twio baptisma nana thang mani wng kha Kaitor ni kok khwna mani. Bo hai no tongwi no Phola Kwthar phai man kha mun tai Kaitor bai sakhlaijak man khamun “ Nwng ani hamjajkma sajla.”

   Jisu twi ni kasai pha mani wng kha bo borok kwtal wng kha , kwtal swngcharo.Bo Kaitor bai halok kha mani tai bini samung sakhlaijak kha.

JUGALI KHA CHUKNOHA BAI RINGJAGWI

“Hake Chuknohani kok hai hwnwi sakha” Mark 1:11. Kaitor Jisu no gosi nakha tai bini samung no tai Jihudi dopha no saui phunuk kha bono Masia.”Norok Nazareth n Jisu ni kok sai mano , bahai khe Kaitor bono Phola kwthar bai kobol rwkha, phan bo rwkha samung kaham khlai twtwi , phia soitan ni yago khajak rok no ham rw twtwi bo ha gwnangwi thang kha, tamo ni hwn khe Kaitor bo bai tongo (Samung 10:38). Abo ni bagwi Mark kothoma kaham  wng kha nangkuk mani. Ulo chwng tai waisa khwna phio kha Bo slaijagwi thang phuru”bono ani khajani Sajla, Bini kok khwna di” Mark 9:7.

AMJOKJAK MANI BISING TWI JUGALI MANI

  Baptism nama bai amjokjak mani  thansa khe no wnglang kha.Chuknoha ni khorang kotor khwna kha tai morke ni khorang khe twrwksa.Baptisma nama bai Apha bai hamkwrai rwjak kha .Abo ni bagwi bo soitan bai kirimasingcha khe ma rwlai kha.

  Mark sao, “Abo ni logi logi no phola bono haching panthoro rohor kha  Mark 1:12. Abo hai khe khlaijak phlai tong mani phunugo, selengsa omo hai khe jugali phlai ma tong mani, bo samung kotor tang  mani, Baptisma namani yagulo. Satokjak mani tai dukhu man mani wng kha Kaitor bai chongjak, kwplai wngna hwn khe, mase ma amjokjak nai.Omo haino khlaijak mani wngya, chini langmao chaya sitra wng marok.Omo Kaitor bai no chongwi khlaijak mani se. Swngcharo mase ma amjokjak nai.Amjokjakya hwn khe torwi logwi  manya. Amjokjak mani le mungsa chaya wng mani kwlai ya. Chaya wngma khe jephuru chwng amjokjak phuru chen khe.Amojokjak ma bai sak belwi thang na kok kwrwi.Jisu abo rok bai mechenjak mani kwrwi, Phola bai se twiduljago. Aphuru chwng lama man nai, amjokjagwi tong phuru. Tamo khe Kaitor le kok narwik nai Kaitor.”Norok belokjakma hai joto borok rok bo abo hai khe no belokjak baio; hai phano Kaitor bo kok rwmano narwgo.Hake norok soiwi man mani bara bo belok rwglak, norok belokjak phuru bo norok no soiwi man na twi khe rak rwnai; hake yoknani lama khlaiwi rwnai 1 Korinth 10:13. Bo yoknani lama khlai rwnai. Omo belai nangkuk mani kok , sak buji nadi.

SELENGSA SAMUNG TANG PHLAI TONGO Mark 1:14 - 8:30

  O kothoma kaham o samung tang mani chophlai ya khe tang mani nugo. English Baibelo chwng nugo “And he did this” “He said that” Bo borok rok no phwrwng phlai tong nai, bohrok mwnago kwlaijak. Bo bohrok no khatung rwphlai tong nai tamo ni hwn ba bohrok bwkha baijak mang.Bohrok no hamyani hamrw mang tong nai tamo ni hwn ba bohrok bemar gwng dukhu manjak.

Bo bohrok no phiok phlai mang tong nai, tamo ni hwn ba bohrok soitan ni khwio nangjak. Bo nakar mang tong nai tai bohrok no ma suchanai, tamo ni hwn ba bohrok sumsok gwnang.

  Chwng nugo Jisu twirukungo kothoma kaham prirwi tong mani tai khrokbwrwi ah romanai rok no ring mani bini logi phaina ni tai sagri wng nanani. Tai bo bai phwrwngjak nani bo twidul twi khe tong nani, “borok romnani”Bohrok le sabo rok ? (Mark  1:16-20 no khuktang di).Bohrok agi ah rom nani kaida kwrwng tong mani abo no samungo ma phwnang nai tabuk borok rom thani.Mark 2  Sagri rok no tamo hwnwi ringjak ?

Omo belai no khwnathok kok, Jisu borok seler  khoroksa no phan ring ya bini samung ni bagwi. Bo borok kwsrang , selerma kwrwi tai samung tangwi man nairok no se ringo, bini logi tong na bagwi.Jesa borok phano bini samung tangwi  mano , Khristo ni bagwi samung tang nani. Bahai khe Jisu bai ringjak bai kha . “Logi logi no bohrok chei yakarwi bini logi thang lai kha. “ Mark 1:18. Kwbangma jora no chwng jora kwmajago, ringjakma jora bai bini samungo phai mani, chini samungo yapri semani.

   Jisu uaisa no borok rok no sinimung rwo,” Phankwrak bai khe chongo” tai bini samungo samung phwnango.Nwng tai kok balanglai mani nuglak phai nai khuktangremo.Tamo khe kwbangma phankwrak samung nuknai:

Soitan rwkhlaijak mani, (Mark 1:21-28)

 Kulum sari rwmani (Mark 1:29-31)

Kwbangma bemar hamrwma ni ( Mark 1:32-340;

Biadi gwnang ham mani ( Mark 1:40- 45

 Yakung maya himlang mani ( Mark 2:1-12)

 Yak hoijak ham mani (Mark 3:1-5)

 Kwbangma hamya rok hambai mani ( Mark 3:6-12)

 Twijwlango nobar kotor thakrwma ni (Mark 4:35-41)

 Mwtai hamya bai koboljak no swra rwmani (Mark 5:1-15);Bwrwima risuma thakya no hamrwmani ( Mark 5:21-24) Jarios ni bwsajwk no mwthang phimani (Mark 5: 35-43);  Khorok saiba no charwmani (Mark 6: 32-44)

 Jisu twi saka twi ham mani (Mark 6:45-51)

 Bono tang nai rok joto no hambai kha (Mark 53-56)

 Kok manya tai nathong rok ham bai mani (Mark 6:7: 31-37) Khorok saibwrwi no charwmani (Marka 8:1-9)

 Mokol kana nukmani (Mark 8: 22-26).

  Omo hai samung wngphlai mang tong kha,chwng mokol bai nuk kha. Bini a kok rok no swbai bo sajak lia tai sabo sabai langlia. Tamo khe Mark kothoma kaham salango Jisu wng kha khoroksa buphang tokta ni samung khlai nai.Mark chwng no sai khwna rwkha, salsa Jisu chwrairok no yak bai romwi bam kha,Mark tai bo sakha Jisu bwkha baijak mani kok, kha baijak mani phunuk kha.Bo uanajago tai  hamjago, Bo jobo jolijago. Chini hamya chaya rok no nugwi bwkha khamjago.

  Tho Jisu bai bakp[0sa Sabtha palai lai anw,Mark bijabo swijak tongma hai khe Mark 1:21-34.Motha nogo thang lai nai,bo kok pirmano khwna nani. Mwta hamya koboljak bai kebengjak mani , phola hamyarok no rwkhlai mani,phankwrak khe hamrw kha, bo kok pir mani bising twi. Tho, samung pai mani iagulo Jisu bai khe Pitor ni  nogo thang laianw, tai Bo hamrw mani nailai anw, bahai khe bo pitor ni bwkwrajwk ni kulum hamrw kha. Tai Sabatha  sal ni sarigo kwchang kwchang khe lelai anw, koklam salai anw. Sarik bwkhak naithok  sal thang mano nai rwklai anw.Borok bini thani phai mano bo naidi, hamyachaya no bini thani tubulai mano.

Poderepod bemar dukhu kosto manjak borok rok phai mani.Jisu ni phan gwnang yak bohrok ni khorogo bera mano naidi. Hamya ham mano naidi.Yakni latha khitarwi khora him mano naidi, tongthokjagwi bagrum baro. Mokol nukya kana mokol nukh bai kha, naithok swngchar no nuk kha.Hamrwnai  Bugra no mokol baithang bai nuk kha.Bemar gwnang bwtang bwtang khe bachalaijak, uansugwi phano manya hamyarok hambai anw hwnwi, bohrok ni mwkhang chwngsacha, bwkha bai Jisu no hambai rwilai tong mano naidi.Aswk dukhu majagwi tong nairok khatungjak bai kha.

  Mark bijab swikwlang kha,Sabath sal ni kok no Mark 2:27 . “Borok ni bagwi se Sabath sal khlaijago, Sabath ni bagwi borok snamjak ya.” Jisu o kok bothoma salang mani wng kha, Sabath palai mani kok bothoma.Borok no tekto rwna bagwi Sabath sal khlaijak mani wngya, khochorwi ton nani bagwi bo wngya.Tamo khe hamari rwui hamcha rwna se! Bugra ni sal  omo hai khe tong di Jisu tong twi khe. Ang kha khlaio nwng chajak anw tai Bugra khatung nai. Khristo swngjak mano samani, sabath palai mani wng kha kok phunugwi samani se Mark 3:1-5. Bo khlai lang makhe, jesa phano khlai di, sabath palai borok rok phan man khe hamkuk mani, Kaitor bai kaham khe kwthai tong mani, salbrum omo hai khe snamjago. Bo omo no phunuklang kha uanamasingcha samung khlaiwi. A kok swijak tongo Jisu uaisini uanamasingcha samung sabath salo khlai kha, sabath salo no bo uanamasing samung khlaio. Sabath salno, Kaitor borok rok no yapharwi rwkha.

SELENGSA SAMUNG TANGWI TONGO

  Jisu uanamasingcha samung khlai makhe, Kaitor ni samung khlaina phai mano phunuk mani.Omo rok no phunugo, bono smai tangwi rohorjak nai Mwthangnaisa tai habugra.Bono no chwng nangkugo, mwthangjak na ni. Tamo ni hwn ba Jisu no Kaitor, uanamasingcha samung khlai chini bagwi! Jisu uanamasingcha samung khlaima bising twi, bono nuknai rok ni poito kwrak wngo tai khatungojago.

  Selengsa no nwng, samung tangwi tong mang nuknai. “Bini bagwi ang samung khlai mang ma tong nai,ano rohor nai ni,sal tong sani.” Obo no bini khukni kok. Bono sak bai naiwi nai khe chwng ba sak bukcha se.

SELENGSA SURISANWI TONGO

Sabath sal ni  phungo Bo phwrwngwi tong mani hamyarok no  hamrwi tong mani, chwng bo bini logi no tongo.Asiri siri bo thuma bacha kha, kamiyung ni ongkhorwi bolongo thang kha kebo kwrwi siring siring thaio, suri san nani thang kha Mark 1:35. Bini samung bangrw rwgwi tong kha,  bini logi borok kwbangma rwktharwi tong bai kha tai chuknokha bai kwrwngwi tong kha.Kok hwn khe samung torsuk kha,  puila samung wngkha Galili amchai kitingwi, hamyarok no hamrw kha tai kothoma kaham pirbai kha Mark 1:37-39. Mungsa hamya hamrw mani, kisa  jora kolok nang kha berai tong phuru,a bemar hamyajak abo ni bagwi jora nang kha a kok swiwi narwkjak - abo wng kha biadi gwnangrok no hamrw mani. A bemar belai no kuthuk hamna ni Mark 1:40-45.

SELENGSA SUMSOK NAKARO

“Salnwi saltham ni ulo …………Bo nogo tongo hwnwi khwna bai kha “Mark 2:1. Dakti no bini kok pirjak kha salkabai bwkhak. Kothoma bwlai bo kwrwi , televion bo kwrwi,  kokduk bo kwrwi eba redio bo kwrwi.Tamo khe  kamiyung ni tai khaksa dagio khe yakung manya khwna kha diary kwtal khoroksa tai bo hamyarok  hamrw mani kok no. Bini kiching song khorokbwrwi bono balwi Jisu ni thani tubulai phai kha, Bugra ni bwskango tubui rwphai lai kha. O hamya hamrw thani mungsa amjok mani tai phunukjak kha Jisu ni phan bo mang no simi hamrwya, phola no bo hamrwo. “Bo bahai khe o kokno sarak…… Kaitor simi se mano” Mark 2:7. Sumsok wng kha Kaitor ni ari, abo ni bagwi bo simi se sumsok nakarwi mano.Jisu sakha,”Bacha di  nini uaing khochai him di, hwnwi sama da laikuk, bubo laikuk? Hake o swngcharo borokni Sajla sumsok nakarwi mano  abo ang norok no phunuk anw. Hake a yakung yak manya no hai hwnwi sakha. Ang nono sao bacha di, nini riyan khochai nogo thang di. Bebak ni bwskango a borok  bacha kha, logi logi no, bini riyan khochaui thang kha. Hakhe  omo twi le chwng nuk trwng yakho! Hwnwi bohrok Kaitor no lobwi tong lai kha” Mark 2:9-12.

Jisu Khristo uanamasingcha samung khlai mano, Kaitor bono Masia hwnwi gosi mani.A borok sak no bacha kha,bini riyan no khocha kha  tai bohrok joto ni bwskango  himwi thang kha. Omo wng kha kwthang sakhi rwmani Jisu sumsok nakar mano.omo phang phang khe phunuk kha Jisu samung khlai na phai mano. Bo bebak borok no mwthang nai Jisu borok rok ni sumsok no nakarwi rwbai nai. Bebak borok no sumsok khlai bai kha, Joto no mwthangnaisa no nango, Rum 3:23.

Chwng nugo Khorokchinwi Sagrirok no  chong mani kothoma no, Mark 3:13-21. Bwtang chibwrwi no naidi, tamo wngwi Jisu a khorokchinwi no  ma chong kha, bini logi tong na bagwi.Nini Baibelo rigwi ton di.`Omo hai no Jisu tini poito khlai nairok no khlaijak na muchungjago.- Bohrok no bini logi tongjak na muchungjago, bohrok bo bo bai tongsukna nango,Johon15:15 . Jisu sao, “Ang norok no seleng khlai nani ring ya ….. tamo khe kiching se.”

Mark 4 no philwi naikhe, “haino hai “hwnwi chengo.”Haino hai bo phwrwng nani cheng kha,”agi khlai mani hai khe.(Mark 2:13;4:1) Jisu wg kha uanamasingcha phwrwngsa!

Maichwlwi sarmani rwngthokma, kothoma kaham no kisa kasuma hai, abo bebak borok ni bwkhao tongo.Mark 4:3-20.

  Joto borok rok no abo no sai man na nango Kaitor ni hani kok no.Mark 4 . Omo wng kha nangkuk mani bo phwrwng lang mani kok, Khristo ni yak ni latha. Maichwlwi sarma ni rwngthokma no kok swbai sajak tongo Mark 4:13-20. Khristo phwrwng mani raida khe  tamo ni hwn ba bono twiwi eba bini kok rok no twiwi borok rok chajakya wng baio. Bo ari rok bai kitingjak, bohrok bini chaya no romlaina mang nailai tongo.Hai phano bini kok no kebo chaya romwi manya, bini a kok kahamrok no. Hai wngyaui, bini a kokthoma rok no borok rok pogwi se thangwi manya wngjak bai tongo, Bini kok khwna nairok.

  A rwngthokma wng kha kok swbai sajak,omo wng kha kaham hamya no joto no chajak baima hai. “Rwngthokma” omo Greek kok ni se phaio,kokthai wng kha phunugwi samani.Naid hwnwi phunuk mani. Phwrwngjak nai kok.

  Maichwlwi sarmani rwngthokma ni bade bo Bugra Jisu tai bo rwngthokma sai khwna rtwkha:

* Chati ni rwngthokma ………………………………… Mark 4:21-25

* Maichwlwi bumuk permani rwngthokma ….. Mark 4:26-29

* Horua bwchwlwi ni rwngthokma ………………… Mark 4:30-33

O rwngthkma no kok swbai samani ulo, Jisu rung kasaui borok kwbangma ni bwskang ni sak no kati thangkha.Thang te thang te bo muktwrwi phaijak kha rung ni tola ni khotol o thui kha, Galili twijwlango nobar kotor manjak lai kha.Rung kwlwkna nai kha, kirijagwi tong nai sagri rok Jis no thuma sochalai kha. Bini khuk ni kok ongkhor khe  no nobar kotor thagwi thang kha. Bini phan jotoni sakao tongo Marka 4:35-41.

     Mark 5 haino hai cheng phio kha, Jism samung khlaina cheng oukha.Tabuk le tamo khlai phiokha? Mathai 8:28-34;Luk 8:26-39 no khuktangwi nai di. Soitan rwkhlai mani uanamasingcha samung no khursai nai di. Omo Mathai 9: 32-33;Mark 1:23-26;Mathai 17:14-18;Luk 9:38-42.

  Uanamsingcha samung khlai mani swijak tongo Mark 5 o. tai kubun  amjokjak mani hai khe no, bini karekter bo amjokjak kha. Mwrwkjak tong mani karijak kha,bini karekter khuphrui sajak kha.Borok rok bahai khe Khristo ni samung khlai kha.

  Baksa  Mwthang naisa no sak nangjaklia.”Uak mwrwk nai rok khar bai kha. Tai kubun borok rok khe kirijak bai kha.” ( bwtang 14-15) “tai Bono hwnlai kha bohrok ni amchai ni thang na nani” (bwtang 17). Tai kubun uak rinairok bo kirijak bai kha, bohrok ni uak rok da thwibai no. Khristo no twiwi kubun borok rok bo bini tomung no nugwi uanajak bai kha! Uak rwmani wng kha kwbangma rang ajimano, abo no borok kwmajak nani muchungjak ya.Bohorok ni bwkhao sai mano amo sumsok. Aboni bagwi bohrok Jisu noakti no norlaina naikha.                                                                                                                                                                                                                                                                                                                                                                                                                                                                                                                                                                                                                                                                                                     Baksa Khristo ni logi phai kha, tai tong phai kha. Je beram hamya hamnairok khe bono bohrok bai baksa tong di hwnwi koilai kha. Abo hai khe no tini borok rok bo, abo hai wng baio.Borok rok Jisu no “norwi hororna” muchungjago, tamo ni hwn ba bohrok sumsok khlai tong na muchungo.Eba bohrok bo bai  tongjak na muchungo, tamo ni hwn ba bohrok sumsok bai kagwi tong na naio.Nwng bo bai tong na da muchung  tai sumsok bai kagwi tong nani ?

  Hain hai tai uaisa Jisu uanamasingcha samung khlai kha, (Mark 5:21).Phola hamya bai koboljak naisa no phola hamya rwkhlai baiwi, Jisu Kaparnaum o kiphilwi phai phiokha.Bo bwrwima khoroksa no hamrwkha jora kolok khe  hamya kotor khlaijak no tai bo kok samani logi logi no hamkha. Jairus ni bwsajwk kwthwi no ringwi socha kha.

  Jisu tai uaitham jor Galilli kothoma kaham phwrwngwi ukha. (Mark 6). Bo sagri khorokchinwi no khorok nwi khoroknwi khe rohor kha kothoma kaham pirnani.Sak sak bachai kothoma kaham pirnani.(Mark 6:7-13). Mathai 10 no swijak tongo, Bohrok Jisu bai phwrwngwi rohorjak mani. Bohrok kothoma kaham pirwi tong phuru, Herod bohrok kothoma kaham pirwi tong mano khwna kha, bini bwkhao muitu manjak kha, bo je borok no bwthar rwmani abo bono rutugwi phai phio kha. (Mark 6: 14-29). Bwswk sak nangya khe borok rok jora no lairwi tong. Chuak khurisa ni bagwi, swrapsa tongthok chathok ni bgwi,kisa rang ri ajina bagwi,kisa borom man na bagwi, bohrok sakni khaksa langmano, hai kheno swbai khibio - au swbai khibi baio. Bohrok ni langmani hano, bohrok ni rang ri , nok nukhung, kiching song rok no, khakchangma, tongthokma tai molbrum ni lang mano. Esau hai khe bohrok ni mwthang naisa no palwi khibio, rang khokthamchi ni bagwi.

  Sagri rok no training rwbai mani yagulo,Jisu bohrok no missinary samung ni bagwi Galili khamiyungo rohor kha (Mark 6:12-13). Bohrok kiphilwi phai mani ulo,”Jisu ni thani kiphiwi bohrok khlaima rok bai phwrwngma rok  saphai kha” Mark 6:30. Kaparnaun  agi mala lai mani thaio, malai lai khwna. Bohrok kokpirlai mano  tai borok rok  Jisu ni thani kha kiphil mani kok akon rok no sai khwnarwphai kha tai bohrok uanamasingcha samung khlai mani akon rok no. Khristo no kok mungsa saphaiya karwi Khristian rok ni samung mungsa bo tangwi thang manya. Chwng Khristo bai khairokjagwi maya man nani nango,chini samung bo bai gosi najak nani nango, Bo bai twiduljak nani nango,tai Bini phan man nani nango.

   Chwng bini kok khwnai tong nani nango, bini sagri kaham wngwi tong nani hwn khe; Bugra Kaitor ni samung tang nani hwn khe. Jisu haching panthoro kisa lelena hwnwi thang kha Mark 6:31 tamo khe borok rok kwbangma bono rwktharwi thang bai kha. Abo ni ulo no bo khorok 5000 no chamung charwmani Mark 6:32-44. Omo kaisa nangkuk mani uanamasingcha samung  bo khlai lang kha. Omo kaisa kotor khe phunuk mani samung kothoma kaham swinairok ni thamchiba  uanamasing samung ni bising o omo belai kotor samung, swijak tongo kangbwrwi kothoma kaham o swijak. Kaham khe taisa naiphidi,Jisu samung khlai mani bail bail khe.

 Tai bu uanamasingsa samung khlai lang kha ? Mark 6:45-52; tai 53-56. Naiphi di Jisu tamo sakha tai khlai kha, Mark 7: 1-23; 7: 24-30; 7:31-37;8:1-9;8: 29-26.

  Bebak borok rok no sina ni nango Pitor poito khlai  gosilang mano - Mark 8:29. Jisu bini Sagri rok no mungsa kok saya Bo le sabo, Bo sak nasingwi tongo bohrok tamo sano bo le sabo.Bo bohrok no swng kha, “Norok tamo hwn angle sabo wngna?” Bo samung tangnani tabuk le jora sokphai kha.Bo phwrwng mani sagri rok no amjogwi naikha, a sagri chinwirok no, bo sak chongwi namani. Pitor bono hai hwnwi sakha,bo khlaijak na muchung mano omo hai khe no sakha.

  Pharisai song bono tamo hwnwi uansuk bai ? Bono bwtharna hwnwi kok chaplai paijak.

  Lukurok le bono tamo hwnwi uansuk bai ? Lukurok to bono yachakna se naiya.

Sagrirok le bono tamo hwn? Pitor sai khwna kha.Nwng le Khristo no tamo hwnwi tong ?

SELENGSA NORJAKKHA Mark 8:31-15:47

     Mark Khristo no bugraha ni Bugra hwnya sini swkang no , Bugra no  yachaksokna bagwi sai khwna rwkha. Bo sak dukhu man nai tai bui bai norjak nai. Jisu sakha, “Borok ni sajla satokjak na nang nai “ Mark 8:31. Chonghor swilang kha bini kok bai swrai swrai khe, bo Israel dopha ni okra rok bai norjak nai , bwtharjak nai tai saltham ni salo kwthwi  ni thangwi bacha nai.

  Jisu bini sagri rok no sakha,bo norjak nai okra rok bai, ochai okra bai tai sadusis song bai. Mark 8:31.

 * Bo Phemoloknairok ni yago Yapharjak nai (Mark 8:31).

 * Bo Rum ni borok rok bai bwtharjak nai (Mark 10:32-45).

  *  Bo saltham ni salo kwthwi ni thangsa phinai (Mark 9:31

  Jisu uaisa phano sak gosi naya bugrahano phunugwi, Bo David ni nukhung ni borok hwnwi Jerusalemo, Diary Sakari kok satwi khe, Sakari 9:9. (Mark 11:1-11.)

  Bahai khe lukurok a Bugra no yachak sok kha.Puila bono yachak sokma khe, tamo ni hwn ba bohrok kha khlai ma khe Rum ni yak ni se phiok nai, bigra khangra ni yak ni yoknai. Tamo khe bo jephuru noktharo habwi kha, Bo bohrok no phunuk kha bini hale Pholani hase.Bo tongthar tong nai okra rok bai naslejak suk kha, saitan bai twiduljak baiwi bono bwtharlai nani kok chaplai kha. Mark 14:1.

SWNGCHAR NI KOTOR SUMSOK

O molni sumsok kotor ,joto mol ni sumsok le Jisu Khristo no yachakya normani. Tamo khe muitu khlai di joto borok rok kothoma kaham no khwna nai rok,bohrok Jisu Khristo no Bugra Mwthangnaisa hwnwi yachak nai eba bono yachakya nornwi kasle rohor nai. Jisu ni jora ni borok rok sak ni muchung twi no chongwi nabai kha, tabuk chini jora ni borok rok abo hai khe no chongwi nathai.

  Jisu lukurok ni thani samung khlai mani yagulo,Mark 10:46-11:25 kok swbai salang kha. Bo paithagpo Jihudi phanraida gwnang rok bai kok banglai mano chwng khuktang kha, okra rok ni thani kwplai wng mani kok akonrok  Mark 11:27-12:44.

  Bo Jihudi borok rok no Bono yachak di hwn kha, Masia hwnwi  Mark Mark 11:15-12:44.Kraksalo samung pailai lia, phung ni simi hor jora belai samung kotor , Jihudi song no bono yachak di hwnwi phan kwrwk khe dagi lang kha,  dopha chwngsachana ni swngchar ni hamari wngna ni, abo ni bagwi no bono chong mani.

   Naithok nokthar ni khotolo Galilini borok rok malai lai kha Jihudi phanraida gwnang rok bai, dopha ni nangkuk mani borok rok bai.Aro jora kolok khe kok salai kha kok banglai suk kha.Swngmung kotor kwrak rok swngwi salai kha.

   Pharisai tai Ochai okra rok bono swng lai kha, “Nwng bu phan bai omo twirok no khlai ?” Mark 11:28

  Herodian tai Pharisai song bini kok bai bono khana ni nailai kha, “ Rumni habugra kotor no test rwmani  abo chini kerong swbai mani da kwlai?” Mark 12:14.

  Sadosis song  hwno … sabo sa, kwthwi rok kwthang bachaya hwnwi, “Kwthwirok thangwi bacha phuru  a salo a bwrwi  sabo ni bihik wngna kwlai ? Mark 12:23.

  Kerong phwrwng nai bono swng kha, “ Kerong ni bu kok joto ni slai kotor ? Mark 12:28.

  Jisu bohrok ni  bebak  swngmung rok no sabai mani yagulo, Chwng khuktang kha, “abo ni ulo Jisu no tai khoroksa phano  bono kok swng lai lia.” Mark 12:34.

 Aswk wnglai mani yagulo phano bo Rum sorkar ni yak ni yoklia, swngmung kok swbai sabai phano. Bo mungsa dukhu mayawi no aro ni kutul lang kha. Jora brum brum no bo bui bai ma rwlai kha.

  Aswk jora kwbangma dwgwi, kubui Kaitor ni seleng bini ari rok bai tekto rwjak kha. Ari rok tabuk bo thwi baiya kho ! Kaitor ni seleng abo rok no twi tabuk bo lengprajak. Jisu bini ari rok no twiwi siringsa khe tong kha, hai phano bohrok ni bwkha slaijak ya. Ulo bo bohrok ni kok rok no supurwi saibai kha, bum hai khe patirwi rwkha. Bo bohrok ni bwkha hamya chaya tong mano slaina nai kha a holong bwkha no. Bwkha kwrak no slairwna nai kha, ulo khe lersugwi thang nai.Hai phano abo mungsa samung nanglia, bwkha kiphil lia.

  Bo kroso tlangjakya ni swkang, Jisu bini kok no swbai sakha bini sagri rok no a Olive hathaio , kok swbai saphuru Mark 13. Bo bohrok no paithak ni jora ni kokrok no sakha, satokjakmung kotor ni kok, tai bo kwplai khe kiphilwi phai phinani kok, tai chwngsacha khe phai phinai.

  Ochai okra rok bono chokra khikhlai laina ni nai kha, bwthar nani.Kwthwirok bai baksa khe bini sago thok motom phulrwna ni tai mangkhor o phob nani, bini kiching song ni yak twi Mark 14. Ulo bono bini sagri ni bising twi romrwnani Mark 14:10-11. Yokma ter panda chamani tai Bugra ni panda songchana ni, abo rok no twiwi nwichiba bwtango swijak tongo.Aro tai bo kok tong kho bo lachirwjak mani a kok no chwng khuktang kha  Pitor uaitham Bugra no gosiya wng kha Mark 14:26-31, 66-71.

  Jisaia diari kok kotor salang kha Kaitor ni Sajla no twiwi , Kaitor ni seleng wng nai swngchar ni borok rok no mwthang nani. Mark a kok no swikha Gethsimani bario Jisu birman man mani kok tai Kalbari hathaio Jisaia diari ni  kok nangphai kha.  Jisaia 53.

     Jisu rang khokchitham bai phailjak kha, abo wng kha selengsa khoroksa ni morokmung. Seleng khoroksa satokjakma hai khe bo satokjak kha! Bo ani sumsk no bini sago nakha kros  buphang sakao khachijak kha.

  Mark ni bijabo omo hai thaisa phano kok swijak kwrwi Suari khorokchinwi bono  naiphi mani,bo sak muchungsugwi tong phano.

Kaitor ni hani kok bo kok rwjak kwrwi, kroso bwtharjak nai sikok ni bagwi.Bugra kotor ni kok khe Mathai bijabo se swijak tamo khe seleng ni kok aro khursajak ya.

SELENGSA KUCHUGO TISAJAK KHA Mark 16:1-20

Selengsa bini langma no yaphar mani yagulo, borok rok no mwthangna bagwi, Bo kwthwi ni mwthangjak phikha.Chwng dagimung kotor o khuktang kha.Mark 16:15 abo Mathaio bo swijak tongo Mathai 28:19-20. A bwtang tangnwi no thansa khe naidi. Mark bijabo Bugra kotor kok samani kwrwi,”Chuknoha bai Swngchar ni bebak phan ani yago yapharjak kha.” Mathai bijabo tongma hai khe. Mark bijabo chwng mano, Jisu ni kok no, Bini sagri rok bo hai khe bini samung khlainani bo bohrok ni bising twi se samung khlai nai.Bo kwthwi ni bacha mani yagulo phano samung khlai tong nai Mark 16:20.

  Paithago bo Chuknohao tlangjak kha, Kaitor ni yagra bwkhak achukrwjak kha.Mark 16:19. Bo sak no seleng hai khe khlai  snam kha,tai tabuk joto ni slai kuchugo tisajak kha.Naidi Philipi 2:7-9. Bo phankwrk yapharjak kha, chini bagwi surisan nani, Bo se chini raiba.

  Tamo khe  Khristo chwng bai baksa no tongo.Selengsa tabuk bo samung tangwi kho chini bising twi. Chwng bo bai thansa khe se samung tanglai tongo. 1 Korinth 3:9. Tabuk bo bo chwng bai baksa samung khlai tongo. Mark 16:20. Tho chwng, mwthangjak kha ba suamung tanglai nai Mark 16:20.

“Aboni bagwi khajani takhuk rok soi kwrak khe tong di,.Norok Bugra ni mungwi yak thakya khe samung khlai tong di, tamo ni hwn ba norok saoui mano Bugra ni mungwi samung khlai nai, norok yak bukcha khlaijak glak” 1 Korinth 15:58.